الاثنين، 29 يوليو 2013

ت أ و ي ل

كان الحلم دايما بيتكرر ..
في الحلم دايما كان فيه حلقة ناقصة ..
الدايرة اللي لازم تكمل لما طرفيها يضموا على بعض ..
وعشان الحلم ده كان محتاج للتأويل كانت بتجري ورا الكلام في كل كتب التفاسير ..
لكن عمر ما ريقها اتبل و لا مخدتها نشفت من الدموع .. 
كانت فاكرة إن حل لغز الحلم هيجي بشوية كلام .. 
ما كانتش تعرف إن الروح لو صفيت من جوا هتلاقي الإجابة والتفسير ..
وكل ما كانت بتحاول تهرب منه كان يجيها بصورة تانية ..
ما هي لو بس كانت ركزت شوية ..
كانت هتعرف إن نقطة التقاء طرفين الدايرة هي الإجابة ..
وإن تأويل الحلم هو الاشتياق للحضن الغايب في وسط زحمة القلوب القاسية !!

ليست هناك تعليقات:

إرسال تعليق