الأحد، 5 يناير، 2014

سؤال واحد


سؤال .. سؤال واحد
صبح السؤال مليون
فينا كام.. كام واحد 
سأل السؤال بجنون
طب مين أنا وليه وفين 
وإزاي يكون الكلام عني 
لكن ما هوش مني ؟!!
*********
سؤال واحد ..
مجرد سؤال ممكن يجر وراه أسئلة كتير..
طب ياترى هتلاقي للأسئلة دي إجابة في دايرة الرحلة ولا لأ ؟!.. 
أكيد محدش عارف.. ممكن إنك تلاقي في السكة إجابات على بعضها وعلى بعضها لأ.. 
جايز تتجنن قبل ما توصل لإجابة وجايز لأ.. 
وجايز توصل لدرجة عالية من اليقين والمعرفة بعد ما تسأل وتعرف الإجابات.. جايز تفضل تلف في الدايرة من غير ما يروي ندى الإجابات عطش أسئلتك.. 
وجايز تغرق أسئلتك في نهر إجابات مزيفة مش حقيقية..  
لكن المؤكد إن أول خيط هتمسكه في بكرة الأسئلة هياخد بإيدك لبداية الوعي.. وبداية الاعتراف بإنك كائن.. 
العجز هو غاية قوته  !!!



 

هناك تعليقان (2):

  1. الردود
    1. بعد اللي باشوفه حواليا ده يبقى أقل واجب يا انجي :D :D

      حذف