الثلاثاء، 24 سبتمبر، 2013

شنطة سفر**




لسه ناوي عالرحيل ؟! ..
تفتكر ملهوش بديل ؟! .. 
---------------------
وإنت جنبي بابقى لسه مشتقالك 
ما إنت عارف .. إنت سامع 
أنة الليل والشوارع 
كل حبة رمل بتقولك حرام
حرام أتحرم حضن الخطاوي وفين أنام
والطريق مايل بحمله من العتاب
 والنسيم حس بفراقك سحره غاب
كل حاجة رافضة بُعدك ..رافضة بُعدك 
مش حتفضل هي بَعدك .. مش حتفضل هي بَعدك 
صعب أصدق..
 لو ضروري تفوتني خد مني الحنين 
واختصر بُعد السنة خليه يومين
لو ضروري..
 قبل ما تسافر بعمري اسجن الشوق والمنى
 واطلق الصبر في وريدي قبل ما يطول بُعدنا
لو ضروري ..
حتى لو طال بُعدنا ..
حتى لو طال بُعدنا ..
إنتَ هنا !! 
--------------------------------
** الأغنية دي إهداء مني لناس غالية عليا جداً.. منهم الأخ و منهم الصاحب ومنهم الحبيب.. الوطن ضاق بيهم وخنقهم فما بقاش قدامهم حل غير السفر والبُعد .. وما بقاش قدامي غير إني أستنى لحظة الفراق اللي دايماً باهرب منها !!

هناك 4 تعليقات:

  1. الاهداء فعلا لناس كتير منهم ومنهم والاغلى ديما على القلب بينوي الرحيل حتى لو مجبر عليه واه

    ردحذف
    الردود
    1. "الأغلى دايما على القلب بينوي الرحيل حتى لو مجبر عليه" ..قلتي الخلاصة يا انجي .. قلتي الخلاصة :-(

      حذف
  2. حبيبة قلبي أسماء
    الفراق هو الحقيقة الوحيدة التي نعيشها قبل الموت
    ليتنا نستطيع التعود عليه ...!!

    تحياتي

    ردحذف
    الردود
    1. مبعث بهجتي دائما العزيزة فاطمة :-) .. الفراق هو الشيء الوحيد غير القادرة على تقبله وأخخشاه وأفزع منه كثيرا و لم أستطع تعويد نفسي عليه حتى الآن :-(
      شكرا لمرورك وتعليقك :-)

      حذف