الاثنين، 12 مايو 2014

مراية عامية

مراية الحب عامية !
كنت دايماً باسمع المثل ده لما حد يحب يتكلم على اتنين بيحبوا بعض أو متجوزين عن حب، واحد فيهم بيتعامل بشكل سيء مع التاني أو بيتعبه.. كنت دايماً باسأل ليه بيحصل كده؟!.. هو مش الحب نور أصلاً والمفروض إنه يخلينا نشوف نصنا التاني بكل وضوح؟!.. بس اكتشفت إنه في واقع الأمر إن الحب ساعات فعلاً من شدته بيخلينا نلغي عقلنا بكل رضا ونبطل نشوف العيوب في اللي قدامنا.. وساعات بنبقى شايفينها بس قوة الإحساس بتخلينا قادرين نصبر ونتحمل العيوب دي.. بس الخوف دايماً من اللي بيحصل بعد ما بتروح زهوة وحلاوة الحب.. ونيجي نبص في عينين اللي بنحبهم اللي هما في الأساس مرايتنا فنكتشف إن المراية ما بقتش عامية !!

ليست هناك تعليقات:

إرسال تعليق