السبت، 16 نوفمبر، 2013

حُـــــــر

أول ما قرأت فكرة هذا الأسبوع حسيت إن الموضوع بسيط وسهل..
حيث إن القاعدة الشهيرة بتقول : 
"حريتك تنتهي عندما تبدأ في إيذاء الآخرين"
لكن في الحقيقة الموضوع ليس بسيطاً على الإطلاق.. لأن الحرية مش كلمة بتتقال وبس.. الحرية معنى وفعل ومسئولية.. ولما قعدت أفكر أكتر طب أبدأ بأيُهم في الكتابة لقيت الأغنية دي بتيجي على بالي.. فقررت إني أبدأ بيها أول يوم في أسبوع التدوين عن الحرية.. إلى أن أرتب في ذهني الكلمات المناسبة وبماذا أبدأ الكتابة.. 
ولنا في الغد لقاء إن شاء الله.. 


حُر إني أعشق بلادي .. واللي هيفكر يعادي
أتزرعله في حلقه مُر.. وأبقى حُر
حُر إني أسرح بكيفي .. حُر إني أختار وليفي 
من حياتي أهرب أفِر .. برضه حُر 
حُر في ستايلات هدومي .. وفي ديانتي ووقت نومي
من ملامحي أزهق أمِل .. أصلي حُر 
حُر إني أعيش طفولتي .. حُر إني أكره حكومتي 
إني أعيش في الدنيا أفن.. يعني حُر
غاوي إني أعيش مُسالم .. واللي مرة يزوم يلاوع 
أتقلب وعليه أَشِّر
حُر إني أقلع روتيني .. إني ألبس توب جنوني 
إني أجدد لما أمِل
مش هاكون ترس في آلة .. مش هاعيش إنسان كمالة 
وحدي لازم أكون مهم .. يعني حُر
حُر إني أكتم همومي .. جوا مني واسمحولي
أبقى وحدي لما أئن .. وأبكي حُر

ليست هناك تعليقات:

إرسال تعليق