الأحد، 27 أبريل، 2014

مدينتي 2

في مدينتي الفاضلة..
مفيش اتنين بيحبوا بعض مش هيتجوزوا بسبب قلة الفلوس أو الإمكانيات..
مفيش ولد هيجرح قلب بنت ولا بنت هتجرح قلب ولد..
واللي يوم شيطانه هيوزه يعمل كده هينطرد من المدينة ويتختم على جبينه وشم بيقول إنه خاين وملعون..
مش هيبقى فيه عمارات بأدوار عالية تحجب عن العمارات الصغيرة النور والشمس ومنظر الخضرة والنيل أو البحر..
مفيش حد هيرمي زبالة في النيل/ البحر والشوارع كلها هتكون نضيفة لأننا هنعيد تدوير الزبالة..
كل مواطن هيربي كائن أليف عشان يتعلم معاه معنى الرحمة والمحبة والمسئولية..
ومحافظ المدينة هيقعد كل أسبوع مع الشباب في حفلة سمر يسمعهم ويشاركهم..
في مدينتي هنحب بعض ونحب الحياة أكتر من أي شيء !!! 

ليست هناك تعليقات:

إرسال تعليق